ती : मी अकरावीला गेले, वर्गात शिक्षकांनी एक प्रश्न विचारला. Define म्हणजे काय मला कळाले नाही. पूर्ण वर्गातली मुले मला हसली. मी तो अपमान कधीच विसरू शकणार नाही. त्यामुळे मी माझ्या मुलांना इंग्रजी माध्यमात शिकवणार.
मी : मी पण अकरावी विज्ञानला होतो. हवेला वस्तुमान असते का? असल्यास ते कसे मोजतात असा प्रश्न विचारला गेला. वर्गात १२० मुलं होती. त्यात दोन्ही मराठी-इंग्रजी माध्यमाची होती. कुणालाही त्याचं उत्तर जमलं नाही, किंवा सांगायचं धाडस झालं नाही. मला पण इंग्रजी बोलता येत नव्हतं. मी सरळ उठलो आणि न लाजता, सव्वाशे मुलांच्या वर्गात मराठीत सांगायला लागलो. हवा नसलेल्या फुग्याचं वजन करा, नंतर त्यात हवा भरा आणि वजन करा. दोन्हीतल्या फरकावरून तुम्हाला हवेला वस्तुमान असते हे सिद्ध होईल. मी माझ्या मुलीला मराठी माध्यमातच शिकवणार!!!
________
उगाच सतत अकरावी विज्ञानला गेल्यावर आम्हाला इंग्रजी बोलता आलं नाही म्हणून आमचा अपमान झाल्याच्या तक्रारी करून मराठी माध्यमाला नावे ठेवू नका. कोणत्या गोष्टीचा अपमान करून घ्यायचा आणि कोणत्या गोष्टीचा नाही, हे आपल्यावर आहे. इंग्रजी माध्यमाच्या शाळेत प्रवेश घ्यायचा तर खुशाल घ्या. त्यासाठी मराठी माध्यमाची बदनामी नकोय. अकरावी विज्ञानला गेल्यावर शिक्षक आणी विद्यार्थी सगळे मिळून इंग्लिशमन होतात हे काहीतरी विचित्र चित्र मुद्दाम उभं केलं गेलं आहे. समजत नसेल तर जवळपास सर्वच शिक्षक विद्यार्थ्यांना लेक्चरनंतरदेखील समजावून सांगतात.
No comments:
Post a Comment